Khmer	Pronunciation	English/Notes	#occ
ដុសធ្មេញ	doh tmɨɲ	to brush the teeth	55/12

Link to overview page
Link to dictionary

Getting Up (Sakanan) — 06

ចូលដល់រូបភាពទី ៦ នៅក្នុងរូបភាពទី ៦ យើងឃើញថា បន្ទាប់ពីនារីម្នាក់នោះ គាត់ដើរចូលក្នុងបន្ទប់ទឹកគាត់រួចរាល់ហើយ គាត់បានបើកទូកញ្ចក់ឬក៏កូនទូរបស់គាត់ ដើម្បីយកថ្នាំដុសធ្មេញនិងច្រាសដុសធ្មេញចេញមក។ អញ្ចឹងនៅពេលដែលភ្ញាក់ពីគេងហើយ យើងត្រូវការដុសធ្មេញ ដុសសម្អាតធ្មេញរបស់យើង ដើម្បីយកកម្ទេចកម្ទីចេញពីធ្មេញរបស់យើង ព្រោះថាពេលល្ងាច គឺយើងញ៉ាំអាហារពេលល្ងាចជាច្រើន អញ្ចឹងកម្ទេចកម្ទីនឹងនៅជាប់ធ្មេញរបស់យើងជាក់ជាពុំខាន។ ដូច្នេះនៅក្នុងរូបភាពនេះ នារីម្នាក់នោះ គាត់បានច្របាច់ថ្នាំដុសធ្មេញដាក់នៅលើច្រាសដុសធ្មេញរបស់គាត់ អញ្ចឹងថ្នាំដុសធ្មេញ ប្រអប់ថ្នាំដុសធ្មេញរបស់គាត់គឺមានពណ៌ស ចំណែកឯថ្នាំដុសធ្មេញគឺមានពណ៌បៃតងនិងលាយស ហើយច្រាសដុសធ្មេញរបស់គាត់គឺមានពណ៌ក្រហម។ អញ្ចឹងគាត់បានច្របាច់ថ្នាំដុសធ្មេញមួយចំនួន ដាក់ទៅលើច្រាសដុសធ្មេញរបស់គាត់ បាទ គាត់ច្របាច់[ច្រាសដុសធ្មេញ]ថ្នាំដុសធ្មេញ ទៅលើច្រាសដុសធ្មេញ ដើម្បី សម្រាប់ធ្វើការដុសធ្មេញគាត់ អញ្ចឹងគាត់ដុសធ្មេញជារៀងរាល់ព្រឹកតែម្ដង ព្រោះថាការដុសធ្មេញ គឺធ្វើឲ្យយើងបំបាត់ក្លិនមាត់។ អញ្ចឹងពេលដែលយើងក្រោកពីគេង គឺកម្ទេចកម្ទីកាកសំណល់ ដែលយើងញ៉ាំអាហារពីពេលល្ងាចនោះនៅតោងស្អិតជាប់ធ្មេញរបស់យើង ដូច្នេះវានឹងធ្វើឲ្យមានដង្កូវស៊ីធ្មេញ ឬក៏មានក្លិនមាត់ ប្រសិនបើយើងមិនបានដុសធ្មេញនោះទេ។

Getting Up (Sakanan) — 07

នៅក្នុងរូបភាពទី ៧ នៅក្នុងរូបភាពទី ៧ បន្ទាប់ពីនារីម្នាក់នោះ គាត់ច្របាច់ថ្នាំដុសធ្មេញដាក់លើច្រាសដុសធ្មេញរបស់គាត់ហើយ នារីម្នាក់នោះបានយកច្រាសដុសធ្មេញមកដុសធ្មេញរបស់គាត់ អញ្ចឹងគាត់ដុសធ្មេញ ដុសសម្អាតធ្មេញរបស់គាត់យ៉ាងយកចិត្តទុកដាក់ គឺ គឺធ្វើតាមក្បួនដុសធ្មេញ ដែលគាត់ធ្លាប់បានរៀន គឺការដុសពីលើចុះក្រោម ពីក្រោមឡើងលើ ពីឆ្វេងទៅស្ដាំ អញ្ចឹងគាត់ដុសម្ដងមួយៗ បានន័យថាធ្មេញរបស់គាត់ គាត់ដុសចុះឡើងៗ ហើយយើងឃើញថាថ្នាំដុសធ្មេញតែងតែមានពពុះ អញ្ចឹងនៅពេលដែលគាត់ដុស គឺមានពពុះចេញពីក្នុងមាត់គាត់យ៉ាងច្រើន ដូច្នេះពពុះនេះវាមិនមែនជាពពុះគ្រោះថ្នាក់នោះទេ គឺជាពពុះនៃថ្នាំដុសធ្មេញ ព្រោះថាថ្នាំដុសធ្មេញដែលយើងប្រើប្រាស់ គឺផ្សំពីសារធាតុជាច្រើន ដែលមានក្លិនប្រហើរ ឬក៏ការពារដង្កូវស៊ីធ្មេញ អញ្ចឹងវានឹងធ្វើ[...] ធ្វើការសម្អាតនូវកាកសំណល់ផ្សេងៗ ដែលនៅជាប់ធ្មេញនិងនៅក្នុងមាត់របស់យើង ដូច្នេះហើយ គាត់ដុសធ្មេញដើម្បីសម្អាត ហើយបំបាត់ក្លិនមាត់របស់គាត់ក្រោយពីក្រោកពីគេង បាទ។ អញ្ចឹងមិនត្រឹមតែដុសធ្មេញនោះទេ នារីម្នាក់នោះ គាត់ដុសអណ្ដាតគាត់ផងដែរ ដូច្នេះការដុសសម្អាតធ្មេញ មាត់ធ្មេញ គឺយើងត្រូវការដុសទាំងអណ្ដាត ទាំងធ្មេញ ដើម្បីកម្ចាត់ក្លិនមាត់និងកាកសំណល់ផ្សេងៗ។

Going To Bed (Sakanan) — 04

បន្ទាប់មកទៀតរូបភាពទី ៤ រូបភាពទី ៤ យើងឃើញក្មេងប្រុសម្នាក់នោះ គាត់បានច្របាច់ថ្នាំដុសធ្មេញដាក់លើច្រាសដុសធ្មេញរបស់គាត់ អញ្ចឹងជាទូទៅ មុនពេលចូលគេង យើងត្រូវដុសធ្មេញ ឬក៏ដុសសម្អាតធ្មេញយើងជាមុនសិន ដោយ យើង មួយថ្ងៃ យើងត្រូវដុសធ្មេញបីដង គឺដើម្បីថែរក្សាធ្មេញយើងឲ្យបានស្អាត ហើយធ្មេញរបស់យើងត្រូវដុសដោយប្រើថ្នាំដុសធ្មេញជាមួយនឹងច្រាសដុសធ្មេញ។ ដែលច្រាសដុសធ្មេញគឺជាច្រាសមួយដែលមានល្មមទៅនឹងដាក់ចូលមាត់របស់យើងដើម្បីដុសធ្មេញ ហើយសរសៃច្រាសគឺទន់ៗ គឺអត់រឹងដូចច្រាសបោកខោអាវនោះទេ។ ដែលយើងឃើញនៅក្នុងរូបភាពនេះគឺដៃម្ខាងរបស់ក្មេងប្រុសនោះកំពុងតែកាន់បំពង់ថ្នាំដុសធ្មេញ ហើយដៃម្ខាងទៀតកំពុងតែកាន់ដងច្រាសដុសធ្មេញ ដែលច្រាសដុសធ្មេញរបស់គាត់មានពណ៌ផ្កាឈូក ហើយសរសៃច្រាសដុសធ្មេញគឺមានពណ៌ស។ អញ្ចឹងគាត់កំពុងតែច្របាច់ថ្នាំដុសធ្មេញចេញពីបំពង់ថ្នាំដុសធ្មេញ ហើយដាក់ថ្នាំដុសធ្មេញនោះមកលើច្រាសដុសធ្មេញ ដើម្បីយកទៅដុសធ្មេញ។ អញ្ចឹងយើងឃើញ ជាធម្មតាថ្នាំដុសធ្មេញគឺដាក់ក្នុងបំពង់មួយដែលអាចច្របាច់បាន ព្រោះនៅពេលដែលយើងត្រូវការដុសធ្មេញ គឺយើងគ្រាន់តែយកដៃច្របាច់បំពង់ថ្នាំដុសធ្មេញនោះ នោះថ្នាំដុសធ្មេញនឹងចេញមកតាមមាត់បំពង់ ហើយយើងយកច្រាសដុសធ្មេញទៅត្រង ដើម្បីដាក់ថ្នាំដុសធ្មេញយកមកដុសធ្មេញ។ ដែលជាក់ស្ដែងយើងឃើញនៅក្នុងរូបភាពនេះ គឺក្មេងប្រុសម្នាក់នោះ គាត់កំពុងតែច្របាច់ថ្នាំដុសធ្មេញចេញពីបំពង់ថ្នាំដុសធ្មេញ ដើម្បីដាក់មកលើច្រាសដុសធ្មេញ ដើម្បីដុសធ្មេញ។

Personal Hygiene (Sakanan) — 04

បន្ទាប់មកទៀតរូបភាពទី ៤ នៅក្នុងរូបភាពទី ៤ យើងឃើញថា បន្ទាប់ពីក្មេងប្រុសម្នាក់នោះ គាត់ច្របាច់ថ្នាំដុសធ្មេញដាក់លើច្រាសដុសធ្មេញរបស់គាត់រួចរាល់ហើយ អញ្ចឹងគាត់បានច្របាច់ថ្នាំដុសធ្មេញនៅលើច្រាសដុសធ្មេញហើយ គាត់ក៏យកច្រាសដុសធ្មេញនោះដាក់ចូលទៅក្នុងមាត់ ដើម្បីដុសធ្មេញរបស់គាត់ អញ្ចឹងយើងឃើញគាត់យកដៃឆ្វេងរបស់គាត់ កាន់ច្រាសដុសធ្មេញ រួចដុសធ្មេញដែលនៅក្នុងមាត់របស់គាត់ចុះឡើងៗ ដោយគាត់ដុសខាងលើ ដុសធ្មេញខាងក្រោម ដុសធ្មេញឆ្វេង ដុសធ្មេញស្ដាំ និងដុសធ្មេញថ្គាមផងដែរ អញ្ចឹងធ្មេញរបស់យើងគឺចែកចេញជាបី ចែកចេញជាពីរ គឺខាងលើខាងក្រោម ហើយធ្មេញខាងលើខាងក្រោម គឺចែកចេញជាធ្មេញថ្គាមនិងធ្មេញខាងមុខ អញ្ចឹងធ្មេញថ្គាមគឺជាធ្មេញដែលនៅសងខាង ដែលនៅខាងៗ នៅជាប់នឹងថ្ពាល់ ចំណែកឯនៅខាងមុខគឺជាធ្មេញដែលនៅជាប់នឹងបបូរមាត់ អញ្ចឹងក្មេងប្រុសម្នាក់នោះ គាត់កំពុងតែដុសធ្មេញ ដែលយើងឃើញមានពពុះថ្នាំដុសធ្មេញជាច្រើននៅជាប់មាត់របស់គាត់ ដោយសារតែគាត់ដាក់ថ្នាំដុសធ្មេញច្រើននៅលើច្រាស ដូច្នេះនៅពេលដែលយើងដុស គឺមានពពុះច្រើននៅក្នុងមាត់ផងដែរ ដោយក្មេងប្រុសនោះ គាត់បានយកដៃឆ្វេងរបស់គាត់កាន់ច្រាសដុសធ្មេញ ដើម្បីដុសធ្មេញ ចំណែកដៃស្ដាំគាត់ទម្លាក់ចុះ ហើយភ្នែករបស់គាត់គឺសម្លឹងទៅមើលក្នុងកញ្ចក់ អញ្ចឹងគាត់ដុសធ្មេញនៅក្នុងបន្ទប់ទឹករបស់គាត់ គឺគាត់អត់ដុសនៅខាងក្រៅនោះទេ អញ្ចឹងរូបភាពទី ៤ នេះ គឺក្មេងប្រុសម្នាក់នោះ គាត់កំពុងតែដុសធ្មេញរបស់គាត់ នៅពេលដែលគាត់ក្រោកពីគេង។

Personal Hygiene (Sakanan) — 03

បន្ទាប់មកទៀតរូបភាពទី ៣ នៅក្នុងរូបភាពទី ៣ បន្ទាប់ពីក្មេងប្រុសម្នាក់នោះ គាត់លាងមុខរួចរាល់ហើយ អញ្ចឹងគាត់លុបលាងមុខរបស់គាត់រួចរាល់ហើយ គាត់ក៏បានយកច្រាសដុសធ្មេញនិងថ្នាំដុសធ្មេញមកច្របាច់ យកថ្នាំដុសធ្មេញមកច្របាច់លើច្រាសដុសធ្មេញរបស់គាត់ អញ្ចឹងច្រាសដុសធ្មេញនិងថ្នាំដុសធ្មេញអាចទុកនៅក្នុងទូកញ្ចក់ដែលនៅលើឡាបូទឹកនោះបាន អញ្ចឹងបានន័យថាគាត់បានបើកទូកញ្ចក់ដែលនៅលើឡាបូទឹកនោះ បន្ទាប់មកគាត់យកច្រាសដុសធ្មេញនិងថ្នាំដុសធ្មេញរបស់គាត់ចេញមក ដែលយើងឃើញច្រាសដុសធ្មេញ គឺគាត់កាន់នៅដៃឆ្វេង ចំណែកឯថ្នាំដុសធ្មេញ គឺគាត់កាន់នៅដៃស្ដាំ អញ្ចឹងថ្នាំដុសធ្មេញ ជាទូទៅគឺយើងដាក់នៅក្នុងបំពង់មួយ ដែលអាចច្របាច់បាន អញ្ចឹងគាត់បានយកដៃស្ដាំរបស់គាត់ច្របាច់ទៅលើបំពង់ថ្នាំដុសធ្មេញ អញ្ចឹងថ្នាំដុសធ្មេញនឹងចេញពីបំពង់តាមរយៈមាត់បំពង់ បន្ទាប់មកគាត់យកច្រាសដុសធ្មេញទៅទ្រថ្នាំដុសធ្មេញនោះ ដែលចេញពីបំពង់ ដើម្បីយកមកប្រើប្រាស់ អញ្ចឹងនៅក្នុងរូបភាពនេះ គាត់កំពុងតែច្របាច់ថ្នាំដុសធ្មេញទៅលើច្រាសដុសធ្មេញរបស់គាត់ ដើម្បីដុសធ្មេញ អញ្ចឹងពេលវេលានោះអាចជាពេលព្រឹកឬក៏ពេលយប់ ព្រោះថាការដុសធ្មេញយើងដុសធ្វើមួយថ្ងៃបីពេល គឺយើងដុសពេលព្រឹកភ្ញាក់ពីគេង ពេលថ្ងៃបន្ទាប់ពីញ៉ាំបាយរួច ឬក៏បន្ទាប់ពីញ៉ាំអាហាររួច និងពេលយប់យើងដុសនៅពេលមុនចូលគេង អញ្ចឹងក្មេងប្រុសនេះ គាត់កំពុងតែដុសធ្មេញ គាត់កំពុងតែច្របាច់ថ្នាំដុសធ្មេញដាក់លើច្រាសដុសធ្មេញ ដើម្បីដុសធ្មេញ អញ្ចឹងវាអាចជាពេលព្រឹក ព្រោះថាព្រឹកឡើង នៅពេលដែលគាត់ងើបពីគេង គាត់ត្រូវលុបមុខ លាងដៃ ហើយនិងដុសធ្មេញរបស់គាត់ផងដែរ។

Getting Up (Sakanan) — 08

ចូលដល់រូបភាពទី ៨ អញ្ចឹងនៅក្នុងរូបភាពទី ៨ បន្ទាប់ពីគាត់ដុសធ្មេញរួច បាទ អញ្ចឹងគាត់ដកច្រាសដុសធ្មេញចេញពីក្នុងមាត់របស់គាត់ហើយ ហើយគាត់មានកាន់កែវទឹកមួយ បាទ គាត់មានកាន់កែវទឹកមួយ ដែល យើងឃើញថា គាត់កំពុងតែងើយមុខឡើងលើបន្តិច ហើយមានទឹកនៅក្នុងមាត់របស់គាត់ អញ្ចឹងគាត់ត្រូវខ្ពុរមាត់ចេញ បាទ អញ្ចឹងបានន័យថាគាត់ដាក់ទឹកក្នុងកែវ ហើយគាត់ខ្ពុរមាត់ចេញ បានន័យថា នៅពេលដែលដុសធ្មេញរួច យើងត្រូវតែខ្ពុរមាត់ចេញនូវថ្នាំដុសធ្មេញ ដែលនៅក្នុងមាត់របស់យើង ឬក៏ខ្ពុរពពុះថ្នាំដុសធ្មេញចេញ។ ព្រោះថាថ្នាំដុសធ្មេញដែលនៅក្នុងមាត់ បន្ទាប់ពីយើងដុសធ្មេញរួច គឺជាកាកសំណល់ ហើយនិងជាវត្ថុកខ្វក់ ដូច្នេះយើងត្រូវខ្ជាក់ចេញឲ្យអស់ ចេញពីមាត់របស់យើង ហើយខ្ពុរវាឬក៏លាងសម្អាតមាត់យើងដោយទឹកស្អាត ធ្វើដូចនារីម្នាក់នេះដែលនៅក្នុងរូបភាព គឺគាត់ដាក់ទឹកចូលក្នុងមាត់ បន្ទាប់មកគឺគាត់ខ្ពុរ។ អញ្ចឹងគាត់ការលាងសម្អាតមាត់ បន្ទាប់ពីដុសធ្មេញ យើងហៅថាការខ្ពុរមាត់។ បាទ គាត់ខ្ពុរមាត់ ដោយគាត់យកទឹកទៅខ្ពុរមាត់ទាំងឆ្វេងទាំងស្ដាំនៅក្នុងមាត់របស់គាត់ទាំងអស់ ហើយទឹកដែលគាត់ខ្ពុរនោះ គាត់ត្រូវខ្ជាក់ចេញមកក្រៅទាំងអស់ គឺគាត់មិនត្រូវលេបចូលក្នុងពោះនោះទេ ព្រោះការលេបទឹកកខ្វក់ចូលក្នុងពោះបែបនេះ អាចធ្វើឲ្យយើងមានជំងឺបាន។ បាទ ហើយបន្ទាប់ពីគាត់ខ្ពុរមាត់ហើយ គាត់ក៏បានលាងច្រាសដុសធ្មេញរបស់គាត់ផងដែរ។ អញ្ចឹងនៅពេលដែលយើងដុសធ្មេញហើយ យើងមិនត្រឹមតែលាងមាត់របស់យើងនោះទេ ច្រាសដុសធ្មេញរបស់យើងក៏ត្រូវតើលាងសម្អាតផងដែរ បើមិនដូច្នេះទេ សារធាតុកខ្វក់ដែលនៅជាមួយនឹងថ្នាំដុសធ្មេញ ឬក៏នៅជាមួយនឹងធ្មេញរបស់យើង ដែលជាប់នឹងច្រាសដុសធ្មេញ វានឹងកកើតជាបាក់តេរី ឬក៏ជាមេរោគ ធ្វើឲ្យយើងមានជំងឺផ្សេងៗ នៅពេលដែលយើងយកច្រាសនោះមកដុសម្ដងទៀត។ អញ្ចឹងយើងត្រូវសម្អាតច្រាសដុសធ្មេញឲ្យបានស្អាតមុននឹងយកទៅទុក។

Personal Hygiene (Sakanan) — 05

បន្ទាប់មកទៀតរូបភាពទី ៥ នៅក្នុងរូបភាពទី ៥ យើងឃើញថា បន្ទាប់ពីក្មេងប្រុសម្នាក់នោះ គាត់បានដុសធ្មេញរបស់គាត់រួចរាល់ហើយ អញ្ចឹងនៅពេលដែលគាត់ដុសធ្មេញរួចរាល់ហើយ គាត់ត្រូវខ្ពុរមាត់ចេញ ដើម្បីសម្អាតថ្នាំដុសធ្មេញចេញពីក្នុងមាត់ អញ្ចឹង ជាទូទៅ ក្រោយពេលដែលយើងដុសធ្មេញ តែងតែមានពពុះថ្នាំដុសធ្មេញនិងសារជាតិកខ្វក់ដែលនៅក្នុងធ្មេញ នៅក្នុងមាត់របស់យើង គឺវាគ្រាន់តែដុសសម្អាតចេញពីធ្មេញ គឺវាអត់ទាន់ស្អាតនោះទេ អញ្ចឹងយើងត្រូវតែប្រើប្រាស់ទឹកដើម្បីខ្ពុរមាត់ អញ្ចឹងយើងឃើញនៅក្នុងរូបភាពនេះ ក្មេងប្រុសម្នាក់នោះ គាត់អត់បានបើកទឹកដាក់ទៅក្នុងឡាបូពេញទៀតទេ ព្រោះថាការដុសធ្មេញ គឺយើងប្រើប្រាស់ទឹកតែបន្តិចតែប៉ុណ្ណោះ អញ្ចឹងអត់ដូចយើងលុបមុខ ដែលយើងប្រើប្រាស់ ត្រូវបើកទឹកដាក់ចូលក្នុងឡាបូទេ គឺគាត់ប្រើប្រាស់កូនកែវតូចមួយ អញ្ចឹងនៅក្នុងរូបភាពនេះ គឺគាត់បើកទឹកដាក់ក្នុងកូនកែវ ហើយយកកែវនោះមកកាន់ បន្ទាប់មកគាត់បានយកកែវនោះមកផឹក ដោយចាក់ទឹកចូលទៅក្នុងមាត់របស់គាត់ អញ្ចឹងគាត់ចាក់ទឹកចេញពីក្នុងកូនកែវនោះចូលទៅក្នុងមាត់របស់គាត់ បន្ទាប់មកគាត់ចាប់ផ្ដើមខ្ពុរមាត់ ដោយប្រមូលទឹកយកមកថ្គាមខាងឆ្វេង ប្រមូលទឹកយកទៅថ្គាមខាងស្ដាំ ហើយនិងក្រឡុកនៅក្នុងមាត់របស់គាត់ ដើម្បីខ្ពុរពពុះសាប៊ូចេញឲ្យអស់ អញ្ចឹងការដាក់ទឹកនៅក្នុងមាត់ ហើយលាងសម្អាតនៅក្នុងមាត់ ឬខ្ជាក់ទឹកចេញ យើងហៅថាខ្ពុរមាត់ អញ្ចឹងនៅក្នុងរូបភាពទី ៥ ក្មេងប្រុសម្នាក់នេះ គាត់កំពុងតែខ្ពុរមាត់របស់គាត់ បន្ទាប់ពីគាត់ដុសធ្មេញរួច អញ្ចឹងគាត់ខ្ពុរមាត់ ដើម្បីប្រមូលយកកាកសំណល់ និងថ្នាំដុសធ្មេញទាំងអស់ចេញពីក្នុងមាត់របស់គាត់ ដើម្បីឲ្យមាត់របស់គាត់ស្អាត ព្រោះថាយើង ប្រសិនបើយើងលេបថ្នាំដុសធ្មេញចូលទៅក្នុងពោះ វាអាចធ្វើឲ្យយើងឈឺពោះបាន អញ្ចឹងវាអាចធ្វើឲ្យយើងឈឺ ដូច្នេះយើងអត់ត្រូវលេបថ្នាំចូលទៅក្នុងពោះនោះទេ យើងអត់ត្រូវលេបថ្នាំដុសធ្មេញចូលទៅក្នុងពោះនោះទេ គឺយើងត្រូវខ្ពុរថ្នាំដុសធ្មេញចេញពីក្នុងមាត់ឲ្យអស់។

Getting Up (Sakanan) — 09

ចូលដល់រូបភាពទី ៩ នៅក្នុងរូបភាពទី ៩ យើងឃើញថា បន្ទាប់ពីដុសធ្មេញរួច នារីម្នាក់នោះ គាត់ក៏បានងូតទឹក បាទ អញ្ចឹងការងូតទឹករបស់គាត់ គឺងូតដោយទឹកផ្កាឈូក បាទ ជាទូទៅ នៅក្នុងទីក្រុង គឺយើងប្រើប្រាស់ទឹកផ្កាឈូកនៅក្នុងបន្ទប់ទឹករបស់យើង ក៏ប៉ុន្តែបើសិនជានៅតាមទីជនបទវិញ ការងូតទឹក គឺគាត់មិនមានទឹកម៉ាស៊ីនប្រើប្រាស់គ្រប់គ្រាន់នោះទេ ដោយនៅក្នុងប្រទេសកម្ពុជា ការប្រើប្រាស់ទឹកម៉ាស៊ីន ភាគច្រើនគឺសម្បូរតែនៅក្នុងទីក្រុងតែប៉ុណ្ណោះ ប៉ុន្តែសម្រាប់នៅទីជនបទ គឺយើងប្រើប្រាស់ទឹកពាងឬក៏ទឹកអាង ដោយបានទទួលមកពីទឹកភ្លៀង អញ្ចឹងអ្នកនៅជនបទ គាត់ប្រើប្រាស់ទឹកភ្លៀង នៅពេលដែលភ្លៀងមក គាត់ត្រងភ្លៀងទុកដាក់ក្នុងពាងឬក៏ក្នុងអាង បន្ទាប់មកគាត់យកទឹកភ្លៀងនោះឲ្យមកប្រើប្រាស់ ដោយគាត់មានផ្តិលមួយ គាត់យកផ្តិលចាក់លើខ្លួនរបស់គាត់ដើម្បីងូតទឹក ក៏ប៉ុន្តែសម្រាប់អ្នកនៅទីក្រុង គឺគេប្រើប្រាស់ទឹកម៉ាស៊ីន ដូច្នេះគេគ្រាន់តែបើកក្បាលរ៉ូប៊ីនេទឹក ទឹកនឹងចេញមកភ្លាមតែម្ដង ដូចនៅក្នុងរូបភាពនេះ នារីម្នាក់នោះ គាត់បានងូតទឹកដោយប្រើប្រាស់ក្បាលទឹកម៉ាស៊ីន គឺជាទឹកផ្កាឈូក។ គាត់ងូតទឹកបណ្ដើរ ដុសសាប៊ូបណ្ដើរ និងកក់សក់បណ្ដើរ។ អញ្ចឹងក្នុងការសម្អាតខ្លួន ការងូតទឹក យើងត្រូវប្រើប្រាស់សាប៊ូដើម្បីដុសខ្លួនផងដែរ ព្រោះថាពេញមួយថ្ងៃដែលយើងធ្វើការហើយ មេរោគនឹងតោងជាប់ខ្លួនយើង ដូច្នេះ នៅពេលដែលយើងគេង យើងងូតទឹកសម្អាតខ្លួនបានមួយសា ក៏ប៉ុន្តែនៅពេលដែលយើងក្រោកពីគេង គឺនឹងមានញើស បានន័យថាពេលដែលយើងគេង ក៏យើងបែកញើសដែរ អញ្ចឹងធ្វើឲ្យខ្លួនយើងប្រឡាក់ ឬក៏ស្អិតខ្លួន ឬក៏មានមេរោគតោងនៅជាប់ខ្លួនយើងជាក់ជាមិនខាន អញ្ចឹងនៅពេលដែលយើងងូតទឹក យើងត្រូវសម្អាតខ្លួនយើងឲ្យបានស្អាត ដោយដុសខ្លួនយើងជាមួយនឹងសាប៊ូ បាទ ហើយកក់សក់យើងផងដែរ ព្រោះថាសក់របស់យើងត្រូវសម្អាតយ៉ាងតិចមួយសប្តាហ៍ ឬក៏មួយអាទិត្យបីដង អញ្ចឹងមួយសប្តាហ៍មានរយៈពេល ៧ ថ្ងៃ ដូច្នេះយើងត្រូវអនុវត្តតាមក្បួនអនាម័យ គឺមួយសប្តាហ៍យើងត្រូវកក់សក់យ៉ាងតិចក៏បីដងដែរ ដើម្បីកម្ចាត់ធាតុកខ្វក់ចេញពីសក់ក្បាលរបស់យើង ដើម្បីឲ្យយើងមានអារម្មណ៍ថាស្រស់ថ្លា និងការពារការរមាស់ក្បាល។ អញ្ចឹងរូបភាពទី ៩ នេះ នារីម្នាក់នោះ គាត់បានកក់សក់របស់គាត់នឹងសាប៊ូ ហើយគាត់កំពុងដុសខ្លួនរបស់គាត់ផងដែរ នៅពេលដែលគាត់ងូតទឹក។

Personal Hygiene (Sakanan) — 06

បន្ទាប់មកទៀតរូបភាពទី ៦ នៅក្នុងរូបភាពទី ៦ បន្ទាប់ពីក្មេងប្រុសម្នាក់នោះ គាត់លាង ឬក៏លាងមុខ លុបលាងមុខ លាងដៃ និងដុសធ្មេញរួចរាល់ហើយ យើងឃើញក្មេងប្រុសម្នាក់នោះ គាត់ក៏បានលាបម្សៅ ឬក៏លាបហ្វូម ដើម្បីកោរពុកមាត់ អញ្ចឹងគាត់លាបហ្វូមកោរពុកមាត់ទៅលើមាត់របស់គាត់ ទៅលើជុំវិញមាត់របស់គាត់ ដែលកន្លែងណាដែលមានពុកមាត់ អញ្ចឹងជាទូទៅមនុស្សប្រុសដែលមានអាយុចាប់ពី ១៨ ឆ្នាំឡើងទៅ គឺចាប់ផ្ដើមដុះពុកមាត់ ហើយនៅពេលដែលយើងដុះពុកមាត់ គឺយើងមើលទៅឃើញចាស់ អញ្ចឹងប្រសិនបើយើងនៅជានិស្សិត ឬក៏នៅជាសិស្ស ឬក៏ជាអ្នកធ្វើការ យើងគួរតែកោរពុកមាត់ចេញឲ្យអស់ ដើម្បីសម្អាតមុខរបស់យើង ព្រោះថាប្រសិនបើយើងមានពុកមាត់វែង ឬក៏មានពុកមាត់ច្រើន អញ្ចឹងមេរោគអាចតោងនៅលើពុកមាត់របស់យើង ដែលធ្វើឲ្យយើងអាចឈឺបាន ដូច្នេះយើងគួរតែកោរពុកមាត់ចេញ យើងអត់ត្រូវទុកពុកមាត់របស់យើងឲ្យនៅជាប់នឹងមាត់របស់យើងនោះទេ ដែលជាក់ស្ដែង ក្មេងប្រុសម្នាក់នេះ គាត់កំពុងតែលាបជែល ឬក៏លាបហ្វូមទៅលើមាត់របស់គាត់ កន្លែងណាដែលមានពុកមាត់ ដើម្បីកោរចេញ អញ្ចឹងនៅក្នុងការកោរពុកមាត់ ប្រសិនបើយើងអត់ដាក់ហ្វូម ឬក៏អត់ដាក់ជែលទេ យើងពិបាកកោរបន្តិច វាអាចធ្វើឲ្យយើងឈឺបាន ព្រោះពុកមាត់គឺស្វិតនិងរឹង អញ្ចឹងនៅពេលដែលត្រូវឡាម ពេលខ្លះវាអត់ដាច់ទេ គឺវាស្អិត អញ្ចឹងនៅពេលដែលយើងកោរអត់ដាក់ជែលទេ គឺវាធ្វើឲ្យយើងមានអារម្មណ៍ថាឈឺ និងចាក់ៗនៅមាត់របស់យើង អញ្ចឹងប្រសិនបើយើងដាក់ជែល ឬក៏ដាក់ហ្វូមលាបទៅលើកន្លែងនោះ គឺវានឹងធ្វើឲ្យមានភាពរអិល អញ្ចឹងវាងាយស្រួលជាងការកោរដោយទទេ ប៉ុន្តែជាទូទៅនៅក្នុងប្រទេសកម្ពុជា គឺនៅតាមស្រុកស្រែ គឺយើងអត់សូវប្រើប្រាស់ហ្វូមនោះទេ ព្រោះវាអត់សូវសម្បូរ ប៉ុន្តែនៅតាមទីក្រុង គឺគេភាគច្រើន គឺគេប្រើហ្វូម ដើម្បីលាបទៅលើមាត់របស់គេ ដើម្បីកោរពុកមាត់ អញ្ចឹងហ្វូមគឺលក់នៅតាមផ្សារទំនើប ដូច្នេះនៅតាមស្រុកស្រែ គឺអត់សូវមានផ្សារទំនើបទេ អញ្ចឹងគាត់អត់សូវមានលទ្ធភាពដើម្បីទិញហ្វូមកោរពុកមាត់នោះទេ ដោយគាត់កោរ ប្រើទឹកតែប៉ុណ្ណោះ ដោយគាត់លាបទឹកទៅលើមាត់របស់គាត់ ឬក៏លាបទៅលើកន្លែងណា ដែលមានពុកមាត់ បន្ទាប់មកគាត់យកឡាមមកកោរតែម្ដង គឺគាត់អត់លាបហ្វូមនោះទេ ប៉ុន្តែក្មេងប្រុសម្នាក់នេះ គឺគាត់ ប្រហែលជាគាត់រស់នៅទីក្រុង ដូច្នេះហើយគាត់មានហ្វូម ដើម្បីកោរពុកមាត់ អញ្ចឹងគាត់ច្របាច់ហ្វូមដាក់លើដៃរបស់គាត់ បន្ទាប់មកគាត់យកហ្វូមនោះទៅលាបលើកន្លែងណាដែលមានពុកមាត់ ដើម្បីឲ្យវារអិលងាយស្រួលកោរ។

Going To Bed (Sakanan) — 06

បន្ទាប់មកទៀតរូបភាពគឺទី ៦ នៅក្នុងរូបភាពទី ៦ បន្ទាប់ពីគាត់ដុសធ្មេញគាត់ស្អាតហើយ អញ្ចឹងគាត់បានដុសសម្អាតធ្មេញរបស់គាត់បានយ៉ាងស្អាត បន្ទាប់មកគាត់ក៏បានចេញពីបន្ទប់ទឹក អញ្ចឹងគាត់ដើរសំដៅចូលមកក្នុងបន្ទប់គេងរបស់គាត់ ដោយដើរសំដៅមករកគ្រែគេង។ ដែលនៅក្នុងរូបភាពទី ៦ នេះ យើងឃើញគាត់កំពុងតែដើរចូលតាមមាត់ទ្វារ អញ្ចឹងគាត់ឈានជើងចូលក្នុងបន្ទប់គេងរបស់គាត់តាមមាត់ទ្វារ ហើយដើរសំដៅមករកគ្រែគេងរបស់គាត់។ ដោយយើងឃើញនៅក្បែរគាត់គឺមានគ្រែគេងមួយ។ អញ្ចឹងគ្រែគេងនោះ យើងឃើញនៅលើគ្រែគេងគឺមានពូកមួយ និងមានភួយមួយ ហើយមានខ្នើយកើយចំនួនមួយផងដែរនៅលើគ្រែ ដែលពូកយើងប្រើសម្រាប់គេងទីលើនោះ អញ្ចឹងនៅពេលដែលយើងគេង គឺយើងគេងនៅលើពូក សម្រាប់អ្នកទីក្រុងគឺយើងគេងនៅលើពូក ចំណែកឯអ្នកអត់មានពូកគេងគឺគេងនៅលើកន្ទេល។ អញ្ចឹងគាត់គេងនៅលើពូក ហើយដណ្ដប់ភួយ។ ភួយដែលដាក់នៅលើគ្រែ គឺគាត់ដណ្ដប់ភួយ ដោយយកភួយដណ្ដប់លើខ្លួនរបស់គាត់។ ហើយគាត់នឹងកើយនៅលើខ្នើយ នៅពេលដែលគាត់គេង។ អញ្ចឹងគ្រែនេះគឺយើងឃើញមានជើងបួន គ្រែជើងបួន ប៉ុន្តែនៅក្នុងរូបភាពទី ៦ គឺមានជើងតែបីទេ ដោយសារតែបាំងមួយ អញ្ចឹងប្រសិនបើយើងមើលជុំវិញគ្រែ គឺយើងឃើញ នឹងឃើញមានជើងបួនជាក់ជាមិនខាន ដោយសារតែគ្រែតែងតែមានជើងបួន។ ហើយនៅក្បែរគ្រែនៅជាប់ជញ្ជាំង យើងឃើញមានបង្អួចមួយ ដែលបង្អួចនោះគឺជាបង្អួចកញ្ចក់ អញ្ចឹងបង្អួចកញ្ចក់ គឺជាបង្អួចដែលអាចឲ្យយើងមើលឃើញទៅខាងក្រៅបាន អញ្ចឹងយើងអត់ចាំបាច់បើកបង្អួចទេ ក៏យើងអាចមើលឃើញទៅខាងក្រៅដែរ ដោយសារតែវាជាកញ្ចក់ អញ្ចឹងយើងអាចមើលឃើញឆ្លងកញ្ចក់បាន បានន័យថាយើងអាចមើលឃើញពីម្ខាងទៅម្ខាងបាន ដោយមិនចាំបាច់បើកកញ្ចក់នោះទេ។ ក៏ប៉ុន្តែបង្អួចរបស់គាត់យើងឃើញមានវាំងននពីរ។ អញ្ចឹងវាំងននបង្អួចគឺប្រើប្រាស់សម្រាប់បិទឬក៏បើកនៅពេលដែលយើងមិនចង់ឲ្យមានពន្លឺចូល។ អញ្ចឹងពេលខ្លះប្រសិនបើយើងខ្លាចចាំងថ្ងៃឬក៏កុំចង់ឲ្យមានពន្លឺព្រះចន្ទចូលនៅពេលដែលយើងគេង យើងអាចទាញវាំងននបិទបង្អួចបាន ប៉ុន្តែប្រសិនបើយើងគិតថាចង់មើលព្រះចន្ទ ឬក៏ចង់ឲ្យមានពន្លឺចេញចូលក្នុងបន្ទប់របស់យើង យើងគ្រាន់តែទាញវាំងននចេញពីបង្អួចនោះជាការស្រេច គឺអាចធ្វើឲ្យមានពន្លឺចេញចូលបាន។ អញ្ចឹងវាំងននគឺដាក់សម្រាប់ដើម្បីបាំងកុំឲ្យមានពន្លឺចូល ចូលទៅក្នុងបង្អួច ឬក៏កុំឲ្យមាននរណាម្នាក់មើលឃើញយើងពីក្រៅតាមរយៈបង្អួចនោះបាន។

Going To Bed (Sakanan) — 05

បន្ទាប់មកទៀតរូបភាពទី ៥ នៅក្នុងរូបភាពទី ៥ យើងឃើញថា បន្ទាប់ពីគាត់ដាក់ថ្នាំដុសធ្មេញទៅលើច្រាសដុសធ្មេញរបស់គាត់ហើយ ក្មេងប្រុសម្នាក់នោះ គាត់ក៏បានយកច្រាសដុសធ្មេញនោះមកដាក់ចូលក្នុងមាត់ ដើម្បីដុសសម្អាតធ្មេញរបស់គាត់។ អញ្ចឹងជាទូទៅ គឺយើងធ្វើការដុសសម្អាតធ្មេញមួយថ្ងៃបីដង ឬក៏ក្រោយពេលដែលយើងញ៉ាំអាហាររួច ដែលយើងជាទូទៅយើងដុសធ្មេញនៅពេលព្រឹក ក្រោយពីយើងក្រោកពីគេង។ អញ្ចឹងបន្ទាប់ពីយើងក្រោកពីគេង យើងត្រូវដុសធ្មេញម្ដង នៅពេលដែលយើងញ៉ាំអាហារថ្ងៃត្រង់រួច យើងត្រូវដុសធ្មេញម្ដង និងនៅពេលដែលយើងមុនចូលគេង មុនពេលដែលយើងចូលគេង យើងត្រូវដុសធ្មេញម្ដងទៀត ដើម្បីឲ្យប្រាកដថាធ្មេញរបស់យើងស្អាត និងមិនមានកាកសំណល់ជាប់នឹងធ្មេញនោះទេ ព្រោះប្រសិនបើមានកាកសំណល់ជាប់នៅធ្មេញ វាធ្វើ[អាចឲ្យ]អាចធ្វើឲ្យធ្មេញពុក ឬក៏មានដង្កូវស៊ីធ្មេញ អញ្ចឹងអាចធ្វើឲ្យធ្មេញយើងខូច ឬក៏យើងឈឺធ្មេញបាន។ ដូច្នេះយើងត្រូវដុសសម្អាតធ្មេញរបស់យើងឲ្យបានស្អាត ហើយយើងត្រូវដុសសម្អាតអណ្ដាតផងដែរ ព្រោះពេលខ្លះគឺបាក់តេរី ឬក៏មេរោគ វានៅតោងជាប់នឹងអណ្ដាត ដូច្នេះយើងត្រូវដុសសម្អាតអណ្ដាត ជាមួយនឹងធ្មេញយើងឲ្យបានស្អាត មុននឹងយើងចូលគេង។ ដែលជាក់ស្ដែងយើងឃើញក្មេងប្រុសម្នាក់នេះ គាត់កំពុងតែយកច្រាសដុសធ្មេញ ដែលមានថ្នាំដុសធ្មេញ ដុសទៅលើធ្មេញរបស់គាត់ ដោយគាត់យកច្រាសដុសធ្មេញនោះ ដាក់ចូលក្នុងមាត់ ហើយដុសចុះឡើងៗ ពីលើចុះក្រោម ពីក្រោមឡើងលើ ហើយពីឆ្វេងទៅស្ដាំ និងពីស្ដាំទៅឆ្វេងផងដែរ ដោយគាត់ដុសធ្មេញរបស់គាត់យ៉ាងយកចិត្តទុកដាក់ ដើម្បីឲ្យប្រាកដថា ធ្មេញរបស់គាត់គឺស្អាត មិនមានជាប់កាកសំណល់នោះទេ។ អញ្ចឹងយើងឃើញមានពពុះថ្នាំដុសធ្មេញជាច្រើនចេញពីមាត់របស់គាត់ ដោយយើងឃើញពពុះ ពពុះនោះគឺពពុះថ្នាំដុសធ្មេញ ព្រោះនៅពេលដែលយើងដាក់ថ្នាំដុសធ្មេញនៅលើច្រាស ហើយយើងយកមកដុសធ្មេញ គឺវានឹងមានពពុះចេញមក ហើយយើងអត់ត្រូវញ៉ាំពពុះនោះទេ ដោយសារតែពពុះនោះ គឺអាចធ្វើឲ្យយើងឈឺបាន អញ្ចឹងនៅពេលដែលយើងដុសហើយ គឺយើងត្រូវខ្ជាក់ពពុះនោះចោល ហើយប្រើប្រាស់ទឹកដើម្បីខ្ពុរមាត់ អញ្ចឹងយើងយកទឹកមកខ្ពុរមាត់ ដើម្បីខ្ពុរពពុះនោះចេញឲ្យអស់ ហើយឲ្យអស់ជាមួយនឹងកាកសំណល់ អញ្ចឹងយើងខ្ជាក់កាកសំណល់ជាមួយនឹងពពុះនោះចោល ព្រោះពពុះនោះគឺអត់ស្អាតនោះទេ នៅពេលដែលយើងដុសធ្មេញហើយ។ អញ្ចឹងក្មេងប្រុសម្នាក់នោះ គាត់កំពុងតែព្យាយាមដុសសម្អាតធ្មេញរបស់គាត់ឲ្យបានស្អាតមុននឹងចូលគេង ព្រោះគាត់ខ្លាចដង្កូវស៊ីធ្មេញ ឬក៏គាត់ខ្លាចមានក្លិនមាត់មិនល្អ នៅពេលដែលយើងភ្លេចដុសធ្មេញ វាអាចធ្វើឲ្យយើងមានក្លិនមិនល្អនៅក្នុងមាត់ ហើយម្យ៉ាងវិញទៀតធ្វើឲ្យធ្មេញយើងពុកនិងឆាប់បាក់ ដូច្នេះគាត់ត្រូវដុសធ្មេញគាត់ឲ្យបានស្អាត។

Going To Bed (Sakanan) — 03

បន្ទាប់មកទៀតរូបភាពទី ៣ រូបភាពទី ៣ យើងឃើញថា បន្ទាប់ពីគាត់ដើរមកដល់បន្ទប់គេងរបស់គាត់ហើយ គាត់អត់បានចូលទៅគ្រែគេងគាត់ភ្លាមនោះទេ អញ្ចឹងគាត់អត់ទាន់ចូលគេងភ្លាមនោះទេ ដោយគាត់ដើរសំដៅមករកបន្ទប់ទឹករបស់គាត់សិន។ អញ្ចឹងជាធម្មតាយើងឃើញក្មេងប្រុសម្នាក់នេះ គឺគាត់ពាក់អាវខៀវដដែល គឺគាត់អត់ទាន់ផ្លាស់ខោអាវទេ ហើយគាត់ស្លៀកខោជើងវែងពណ៌ខ្មៅ ប៉ុន្តែយើងអត់ឃើញគាត់ពាក់ស្បែកជើងនោះទេ។ អញ្ចឹងជាទូទៅ នៅពេលដែលយើងចូលដល់ក្នុងផ្ទះ យើងតែងតែដោះស្បែកជើង ឬក៏ទ្រនាប់ជើងចេញ ហើយជាពិសេសនៅពេលដែលយើងមកដល់ក្នុងបន្ទប់គេង គឺយើងអត់ពាក់ស្បែកជើង ឬក៏ទ្រនាប់ជើងទេ ព្រោះពេលខ្លះ ស្បែកជើង ឬក៏ទ្រនាប់ជើងដែលយើងពាក់យកមកពីក្រៅ គឺមានធូលី ឬក៏មានដីប្រឡាក់ អញ្ចឹងប្រសិនបើយើងពាក់ចូលក្នុងផ្ទះ គឺវាអាចធ្វើឲ្យប្រឡាក់ផ្ទះយើងបាន ដែលយើងឃើញក្មេងប្រុសម្នាក់នេះ គឺគាត់អត់ពាក់ស្បែកជើងចូលក្នុងបន្ទប់របស់គាត់នោះទេ ដោយសារតែខ្លាចប្រឡាក់។ អញ្ចឹងគាត់បានដើរដោះស្បែកជើង ហើយសំដៅមករកបន្ទប់ទឹករបស់គាត់ ដោយយើងឃើញគាត់ចូលតាមទ្វារបន្ទប់ទឹក ដែលយើងឃើញបន្ទប់ទឹករបស់គាត់ នៅលើជញ្ជាំង ក្បែរទ្វារ គឺមានបង្អួចកញ្ចក់មួយ អញ្ចឹងបង្អួចកញ្ចក់ គឺសម្រាប់ឲ្យខ្យល់ចេញចូលបាន ព្រោះជាទូទៅបន្ទប់ទឹកគឺតូច ហើយហប់ អត់សូវមានខ្យល់ចេញចូលទេ ដូច្នេះយើងត្រូវធ្វើបង្អួច ដើម្បីកុំឲ្យហប់។ អញ្ចឹងបង្អួចនេះ គឺយើងអាចបើកបិទបាន។ ដោយវានៅខ្ពស់ជាងយើងបន្តិច ដូច្នេះគេអត់អាចមើលឃើញពីបង្អួចមកទេ អញ្ចឹងអ្នកដែលនៅខាងក្រៅបន្ទប់ទឹក គឺគាត់អត់អាចមើលឃើញយើងតាមបង្អួចទេ ដោយសារតែបង្អួចនៅខ្ពស់ អញ្ចឹងនៅខ្ពស់ជាងយើង អញ្ចឹងគេអត់អាចមើលឃើញទេ។ ហើយនៅក្បែរបង្អួចនោះ គឺមានទូកញ្ចក់មួយ កូនទូកញ្ចក់ចាប់ជាប់ទៅនឹងជញ្ជាំង។ អញ្ចឹងយើងប្រើប្រាស់កូនទូកញ្ចក់នេះគឺ ប្រើកញ្ចក់សម្រាប់ឆ្លុះមុខផង ហើយនៅក្នុងទូកញ្ចក់នោះ គឺយើងអាចដាក់សម្ភារៈផ្សេងៗផងដែរ ដូចជាថ្នាំដុសធ្មេញ ច្រាសដុសធ្មេញ សាប៊ូដុសខ្លួន ឬក៏សាប៊ូកក់សក់ផងដែរ។ អញ្ចឹងជាទូទៅយើងប្រើប្រាស់ទូកញ្ចក់ កូនទូកញ្ចក់តូចមួយ ហើយដាក់ភ្ជាប់ទៅនឹងជញ្ជាំង ដែលយើងឃើញនៅក្រោមទូកញ្ចក់ គឺមានឡាបូសម្រាប់លាងដៃមួយ។ អញ្ចឹងជាធម្មតានៅក្នុងបន្ទប់ទឹកនៅតាមទីក្រុង គឺយើងតែងតែដាក់នូវឡាបូសម្រាប់លាងដៃ ដែលយើងឃើញឡាបូ នៅលើឡាបូគឺមានក្បាលរ៉ូប៊ីនេទឹកមួយ អញ្ចឹងក្បាលរ៉ូប៊ីនេទឹក គឺមានកន្លែងសម្រាប់បើកទឹកម៉ាស៊ីនឲ្យហូរចេញមក។ អញ្ចឹងយើងអត់ចាំបាច់ទៅដួសទឹក ដោយប្រើផ្តិល ឬក៏ដោយប្រើកាទឹកនោះទេ គឺយើងគ្រាន់តែមួលក្បាលរ៉ូប៊ីនេ គឺទឹកនឹងចេញតាមបំពង់ទុយោហូរមកឲ្យយើងប្រើប្រាស់តែម្ដង។ ដែលជាក់ស្ដែងយើងឃើញនៅក្នុងរូបភាពនេះ គឺមានក្បាលរ៉ូប៊ីនេទឹកមួយនៅលើឡាបូលាងដៃ សម្រាប់ឲ្យគាត់បើកទឹកលាងដៃ ឬក៏ដុសធ្មេញ ឬក៏លុបមុខទៅតាមតម្រូវការរបស់គាត់ ដែលជាទូទៅបើតាមនៅស្រុកស្រែចំការ គឺគាត់អត់មានទឹកម៉ាស៊ីនប្រើប្រាស់ អញ្ចឹងគាត់ប្រើប្រាស់ទឹករែក ឬអាចគាត់ដួស ដួសពីស្រះ ឬក៏ដួសពីបឹង ហើយពេលខ្លះគាត់ប្រើប្រាស់ទឹកភ្លៀង អញ្ចឹងគាត់ត្រងទឹកភ្លៀង ប៉ុន្តែនៅក្នុងទីក្រុង គឺយើងប្រើប្រាស់ទឹកម៉ាស៊ីន ដោយយើងប្រើប្រាស់ យើងបើកតែក្បាលរ៉ូប៊ីនេទឹក នោះនឹងមានទឹកមកហូរមកឲ្យយើងប្រើប្រាស់។