Khmer	Pronunciation	English/Notes	#occ
ឥដ្ឋ	ʔət	1. brick, tile 2. to be desirable 3. pleasing, likable, preferable, satisfying 4. necessary 5. ideal 6. dear, beloved, favorite	9/6

Link to overview page
Link to dictionary

Fruits (Sakanan) — 06

បន្ទាប់មកទៀតរូបភាពទី ៦ នៅក្នុងរូបភាពទី ៦ បន្ទាប់ពីគាត់កាត់ល្ហុងនោះជាកង់ៗតូចៗរួចរាល់ហើយ គាត់ក៏បានយកជ្រញ់ អញ្ចឹងនៅពេលដែលយើងហាន់បន្លែ ហាន់ផ្លែឈើ ឬក៏ហាន់សាច់ គឺយើងតែងតែប្រើប្រាស់ជ្រញ់ដើម្បីទ្រាប់ ព្រោះថាប្រសិនបើយើងហាន់ផ្ទាល់ទៅនឹងតុ ទៅនឹងឥដ្ឋជាដើម វាអត់ស្អាត ហើយវាអាចធ្វើឲ្យតុរបស់យើងខូចខាតបានដោយសារតែមុខកាំបិត ដូច្នេះយើងត្រូវប្រើជ្រញ់ដើម្បីទ្រាប់ក្នុងការហាន់ ដើម្បីងាយស្រួលហាន់ អញ្ចឹងជាក់ស្ដែងបុរសដែលជាអ្នកលក់នោះ គាត់បានយកជ្រញ់ គាត់បានយកល្ហុងទៅហាន់លើជ្រញ់ជាមួយនឹងកាំបិតរបស់គាត់ អញ្ចឹងបន្ទាប់ពីគាត់ហាន់ហើយ ដុំល្ហុងតូចៗ ឬក៏កង់ល្ហុងនោះ គឺនៅលើជ្រញ់ទាំងអស់ ដូច្នេះគាត់ងាយស្រួលក្នុងការប្រមូលដាក់ចូលក្នុងថង់ អញ្ចឹងបន្ទាប់ពីគាត់កាត់កង់ៗហើយ គាត់គ្រាន់តែលើកជ្រញ់របស់គាត់ចាក់ល្ហុងទាំងនោះចូលទៅក្នុងថង់គឺជាការស្រេច។ អញ្ចឹងនៅក្នុងរូបភាពទី ៦ យើងឃើញដៃម្ខាងរបស់អ្នកលក់នោះ គាត់ចាប់មាត់ថង់បើកឡើង ហើយគាត់យកដៃម្ខាងទៀតលើកជ្រញ់ឡើងលើ ហើយចាក់កង់ល្ហុងដែលតូចៗនោះ ចូលទៅក្នុងថង់ទាំងអស់ ដើម្បីលក់ឲ្យអតិថិជនរបស់គាត់ អញ្ចឹងនៅក្នុងរូបភាពនេះ គឺគាត់ចិតល្ហុងជាដុំកង់ៗតូចៗរួចរាល់ហើយ ដូច្នេះគាត់ចាក់ចូលទៅក្នុងថង់ ដើម្បីឲ្យអតិថិជនរបស់គាត់។

Grilled Fish (Sakanan) — 13

បន្ទាប់មកទៀតរូបភាពទី ១៣ រូបភាពទី ១៣ បន្ទាប់ពីពួកគេរៀបចំចានម្ហូប និងចានទឹកជ្រលក់រួចរាល់ហើយ ពួកគេក៏បានអង្គុយទល់មុខគ្នា អញ្ចឹងយើងឃើញពួកគេកំពុងតែអង្គុយទល់មុខគ្នា ដោយស្ត្រីដែលជាមិត្តស្រីនោះ គាត់អង្គុយលុតជង្គង់ ឬក៏អង្គុយបត់ជើង ដោយដៃទាំងពីរគឺដាក់នៅលើភ្លៅ ចំណែកឯបុរសដែលមានវ័យ ២៣ ឆ្នាំនោះ គាត់អង្គុយពែនភ្នែន អញ្ចឹងជាធម្មតា មនុស្សស្រីគឺគាត់តែងតែអង្គុយលុតជង្គង់ឬក៏អង្គុយបត់ជើង ចំណែកឯមនុស្សប្រុស គាត់ចូលចិត្តអង្គុយពែនភ្នែន ហើយនៅចំខាងមុខរបស់ពួកគេ ឬក៏នៅកណ្ដាលពួកគេ គឺមានត្រីចំនួនមួយ ដែលកំពុងតែហុយ និងមានក្លិនឈ្ងុយ ហើយមានចានបន្លែពីរចានផងដែរដែលនៅក្បែរនោះ អញ្ចឹងពួកគេក៏ញ៉ាំត្រីជាមួយនឹងបន្លែ ផ្ទាប់ជាមួយនឹងបន្លែ ដោយយើងឃើញគាត់ទាំងពីរនាក់ គឺអង្គុយនៅលើកម្រាល ហើយមានកញ្ចប់ម្ហូបនៅក្បែរខ្លួនរបស់ពួកគេផងដែរ។ អញ្ចឹងជាទូទៅ គឺនៅកម្ពុជា គឺយើងភាគច្រើនគឺយើងញ៉ាំបាយដោយប្រើប្រាស់កន្ទេល គឺយើងអត់ប្រើប្រាស់តុទេ អញ្ចឹងពេលខ្លះ អ្នកខ្លះ ក្រុមគ្រួសារខ្លះ គាត់ញ៉ាំបាយនៅលើតុ បានន័យថាគាត់រៀបចំតុ ហើយគាត់ដាក់បាយនៅលើតុ រួចក៏អង្គុយលើកៅអីដើម្បីញ៉ាំ ប៉ុន្តែភាគច្រើន ភាគច្រើននៅកម្ពុជា គឺយើងអត់ប្រើប្រាស់តុទេ បានន័យថាយើងអត់ប្រើប្រាស់តុទេ គឺយើងក្រាលកន្ទេល ឬក៏ការក្រាលកម្រាល អញ្ចឹងយើងក្រាលកន្ទេលនៅលើឥដ្ឋ ឬក៏នៅលើរនាបផ្ទះរបស់យើង បន្ទាប់មកយើងញ៉ាំបាយនៅលើកន្ទេល អញ្ចឹងវាជាវប្បធម៌មួយរបស់កម្ពុជា គឺយើងញ៉ាំបាយនៅលើកន្ទេល។

Personal Hygiene (Sakanan) — 12

បន្ទាប់មកទៀតរូបភាពទី ១២ រូបភាពទី ១២ យើងឃើញថា បន្ទាប់ពីក្មេងប្រុសម្នាក់នោះ គាត់ងូតទឹកដុសសាប៊ូរួចរាល់អស់ហើយ គាត់ក៏បានបិទទឹក រួចក៏គាត់ដើរចេញពីកន្លែងងូតទឹក ដោយយើងឃើញកន្លែងងូតទឹករបស់គាត់ គឺមានបាំងវាំងននមួយ មានបាំងវាំងននដើម្បីកុំឲ្យខ្ទាតទឹកចេញមកខាងក្រៅ អញ្ចឹងបន្ទប់ទឹករបស់គាត់ចែកចេញជាពីរ គឺកន្លែងលាងដៃ និងកន្លែងងូតទឹក ហើយកន្លែងងូតទឹកត្រូវបាំងវាំងនន ដើម្បីកុំឲ្យមានទឹកខ្ទាតចេញមកខាងក្រៅ ដែលធ្វើឲ្យប្រឡាក់ គគ្រិច អញ្ចឹងរូបភាពនេះគឺគាត់ចេញពីកន្លែងងូតទឹក ហើយគាត់យកបានយកកន្សែងពោះគោមួយ គាត់បានយកកន្សែងពោះគោមកជូតខ្លួនរបស់គាត់ ដែលកន្សែងរបស់គាត់គឺមានពណ៌លឿង អញ្ចឹងគាត់កាន់កន្សែងរបស់គាត់ ដោយយកកន្សែងរបស់គាត់ជូតនឹងក ហើយរុំនឹងខ្លួន អញ្ចឹងគាត់ជូតខ្លួនគាត់ឲ្យបានស្អាតមុននឹងគាត់ចេញពីបន្ទប់ទឹក ព្រោះថាប្រសិនបើខ្លួនគាត់អត់ទាន់ស្ងួត ហើយគាត់ដើរចូលទៅក្នុងផ្ទះ ឬក៏គាត់ចេញពីបន្ទប់ទឹកដើរចូលទៅក្នុងផ្ទះ នោះផ្ទះរបស់គាត់នឹងសើម ហើយអាចនឹងរអិល អញ្ចឹងគាត់អាចនឹងរអិលដួល ប្រសិនបើយើងសើម ខ្លួនយើងសើម ហើយជើងរបស់យើងសើម ហើយជើងជាន់ទៅលើឥដ្ឋការ៉ូ នោះវាអាចនឹងធ្វើឲ្យយើងរអិលដួល និងមានគ្រោះថ្នាក់បាន ដូច្នេះមុនពេលដែលយើងចេញពីបន្ទប់ទឹក យើងត្រូវជូតខ្លួនយើងឲ្យបានស្អាតជាមុនសិន ព្រោះប្រសិនបើមានទឹកនៅដក់ជាប់នឹងខ្លួនយើង ធ្វើឲ្យផ្ទះរបស់យើងប្រឡាក់និងសើមដោយសារទឹក ដូច្នេះមុននឹងយើងចេញពីបន្ទប់ទឹក យើងត្រូវជូតខ្លួនយើងឲ្យបានស្អាតជាមុនសិន។

Breaking A Bowl (Sakanan) — 08

បន្ទាប់មកទៀតរូបភាពទី ៨ នៅក្នុងរូបភាពទី ៨ យើងឃើញថា បន្ទាប់ពីគាត់[យក] ចូលបន្ទប់ដាក់សម្ភារៈយកអំបោសនិងប្រដាប់កើបសំរាមរួចរាល់ហើយ អញ្ចឹងគាត់ក៏បានយកអំបោសនិងប្រដាប់កើបសំរាមនោះចូលទៅក្នុងផ្ទះបាយរបស់គាត់ អញ្ចឹងគាត់ចូលទៅក្នុងផ្ទះបាយ ដើម្បីបោសកម្ទេចកម្ទី ក៏ដូចជាបោសអំបែងចាន ដែលបានធ្លាក់បែកអម្បាញ់មិញ អញ្ចឹងនៅក្នុងរូបភាពទី ៨ នេះ គឺយើងឃើញក្មេងបុរសម្នាក់នោះ គាត់ក៏បានយកអំបោសមកបោសអំបែងប្រមូល អញ្ចឹងគាត់បានប្រមូលអំបែងឲ្យនៅមួយដុំ។ អញ្ចឹងនៅពេលដែលចានគោមធ្លាក់បែក គឺអំបែងរបស់វាគឺនៅរាយប៉ាយ អញ្ចឹងវានៅរាយប៉ាយលើពេញឥដ្ឋ ឬក៏ពេញផ្ទៃកម្រាលឥដ្ឋ ដូច្នេះគាត់ត្រូវយកអំបោសមកប្រមូលវាឲ្យនៅមួយដុំ គឺយើងអត់ប្រើប្រាស់ដៃដើម្បីប្រមូលនោះទេ ព្រោះប្រសិនបើយើងប្រើប្រាស់ដៃ គឺអំបែងចាន ឬក៏អំបែងកម្ទេចកម្ទីចាននោះ វាអាចធ្វើឲ្យយើងមុតដៃបាន អញ្ចឹងវាអាចធ្វើឲ្យដៃយើងមុត និងមានរបួស ឬក៏អាចធ្វើឲ្យយើងហូរឈាម ដូច្នេះយើងអត់ត្រូវប្រើប្រាស់ដៃដើម្បីប្រមូលកម្ទេចកម្ទីអំបែង ឬក៏កម្ទេចកម្ទីកែវ ឬក៏អំបែងចាននោះទេ ព្រោះវាអាចធ្វើឲ្យយើងមានគ្រោះថ្នាក់ ដូច្នេះយើងត្រូវប្រើប្រាស់អំបោស ដើម្បីបោសប្រមូលវាឲ្យនៅមួយដុំ បន្ទាប់មកយើងយកប្រដាប់កើបសំរាមដើម្បីកើបកម្ទេចកម្ទី ឬក៏អំបែងនោះយកទៅបោះចោល ដោយជាក់ស្ដែងនៅក្នុងរូបភាពទី ៨ បុរសម្នាក់នោះ គាត់បានយកអំបោស មកបោសប្រមូលអំបែងចាន និងកម្ទេចកម្ទីចាន ឲ្យនៅមួយដុំ បន្ទាប់មកគាត់យកប្រដាប់កើបសំរាមរបស់គាត់ យកមកកើបនូវកម្ទេចកម្ទីចាន ដោយគាត់យកអំបោសបោសកម្ទេចកម្ទីចាន ឬក៏អំបែងចាន ចូលមកក្នុងប្រដាប់កើបសំរាមនោះ។

Grilled Fish (Sakanan) — 17

បន្ទាប់មកទៀតរូបភាពទី ១៧ នៅក្នុងរូបភាពទី ១៧ យើងឃើញថា ពួកគេទាំងពីរនាក់បានញ៉ាំបាយរួចរាល់ហើយ ហើយចំពោះសាច់ត្រីមួយដែលគេទិញមកនេះ គឺមានរសជាតិឆ្ងាញ់យ៉ាងខ្លាំង ដូច្នេះគេញ៉ាំបាយអស់ច្រើន អញ្ចឹងគេញ៉ាំបាយអស់ច្រើន អស់ទាំងពីរកញ្ចប់តែម្ដង ហើយអន្លក់ដែលនៅលើកម្រាលគឺអត់មានទៀតទេ បានន័យថាពួកគេញ៉ាំអស់ទាំងអស់ គឺអស់ទាំងអន្លក់ អស់ទាំងទឹកជ្រលក់ជាមួយនឹងសាច់ត្រីផងដែរ ដោយយើងឃើញនៅក្នុងរូបភាពទី ១៧ នេះ គឺសាច់ត្រីគឺនៅសល់តែឆ្អឹងនោះទេ អញ្ចឹងអត់មានសាច់ទៀតទេ បានន័យថាពួកគាត់ទាំងពីរគឺញ៉ាំសាច់ទាំងអស់ អញ្ចឹងពួកគាត់ទុកតែឆ្អឹងតែប៉ុណ្ណោះនៅក្នុងរូបភាពទី ១៧ នេះ ដោយពួកគាត់ទាំងពីរនាក់ឆ្អែតទាំងពីរនាក់តែម្ដង ដោយយើងឃើញនារី ដែលជាមិត្តស្រីរបស់បុរសម្នាក់ហ្នឹង គាត់អង្គុយបត់ជើងនៅលើកម្រាល ហើយយកដៃម្ខាងច្រត់ទៅលើឥដ្ឋ ដៃម្ខាងទៀតខ្ទប់ពោះរបស់គាត់ ដែលបញ្ជាក់ថាគាត់កំពុងតែឆ្អែតយ៉ាងតឹងពោះ។ អញ្ចឹងគាត់អង្គុយសម្រាក គាត់អត់ទាន់ធ្វើការងារអ្វីផ្សេងទេ ដើម្បីឲ្យស្រកពោះសិន អញ្ចឹងយើងហៅថាឲ្យស្រកពោះ បានន័យថាឲ្យពោះរបស់គាត់ធូរ លែងសូវតឹងសិន ទើបគាត់ធ្វើការបន្ត ចំណែកឯបុរសដែលមានវ័យ ២៣ ឆ្នាំនោះ គាត់ក៏ឆ្អែតដូចគ្នា អញ្ចឹងគាត់ក៏ញ៉ាំបាយបានឆ្អែតដូចគ្នា ដូច្នេះគាត់ក៏បានយកដៃរបស់គាត់អង្អែលពោះរបស់គាត់ ហើយគាត់អង្គុយបញ្ឈរជង្គង់ឡើង ដើម្បីសម្រួលខ្លួន ឲ្យក្រពះរបស់គាត់រំលាយអាហារបានល្អ។ អញ្ចឹងគាត់អង្គុយបញ្ឈរជង្គង់ ហើយទម្រេតខ្លួនទៅខាងក្រោយបន្តិច ដោយយកដៃច្រត់ទៅលើកម្រាល ដើម្បីទប់ខ្លួនឲ្យបាននឹង អញ្ចឹងដើម្បីរក្សាលំនឹងលើខ្លួនគាត់ គាត់យកដៃច្រត់ទៅលើកម្រាល ដើម្បីអង្គុយសម្រាក ដូច្នេះគាត់សម្រាកសិន បន្ទាប់ពីគាត់ញ៉ាំបាយរួចរាល់ហើយ ដោយសារតែគាត់មានអារម្មណ៍ថាឆ្អែតខ្លាំងពេក អញ្ចឹងមុននឹងធ្វើការបន្ត គាត់ត្រូវតែសម្រាកបន្តិច ដើម្បីឲ្យធូរពោះងាយស្រួលក្នុងការធ្វើការផ្សេងទៀត បន្ទាប់ពីគាត់ញ៉ាំបាយរួច។

Cold Season (Sakanan) — 03

ចូលមកដល់រូបភាពទី ៣ នៅក្នុងរូបភាពទី ៣ បន្ទាប់ពីក្មេងប្រុសនោះ គាត់ងើបពីគេងហើយ។ បាទ គាត់បានដើរចេញពីបន្ទប់គេងរបស់គាត់។ អញ្ចឹងក្មេងប្រុសទី ក្មេងប្រុសនោះ គាត់ដើរចេញពីបន្ទប់គេង គាត់ដើរចូលមកក្នុងបន្ទប់ទឹក។ បាទ យើងឃើញថា នៅក្នុងបន្ទប់ទឹករបស់គាត់ គឺមានលក្ខណៈទំនើបផងដែរ។ ហើយក្មេងប្រុសនោះ គាត់ដើរមកក្នុងបន្ទប់ទឹក ដោយនៅក្នុងសម្លៀកបំពាក់គេងរបស់គាត់។ អញ្ចឹងគាត់ស្លៀកសម្លៀកបំពាក់គេង បាទ គឺមានខោជើងវែង ដែលខោជាខោរលុង បានន័យថាខោនោះទូលាយជាងខ្លួនគាត់ ព្រោះថាយើងស្លៀកខោទូលាយ ឬខោរលុង ដើម្បីងាយស្រួលក្នុងការគេង ហើយគាត់ពាក់អាវដៃវែងពណ៌លឿង។ នៅក្នុងដៃរបស់គាត់ គឺមានកាន់កន្សែងពោះគោមួយ អញ្ចឹងនៅពេលណាដែលយើងចូលទៅងូតទឹក ឬក៏ចូលទៅក្នុងបន្ទប់ទឹក យើងគួរតែយកកន្សែងពោះគោទៅតាមខ្លួន ព្រោះថានៅពេលដែលយើងយកកន្សែងពោះគោទៅ នៅពេលដែលយើងងូតទឹករួច ខ្លួនយើងនឹងទទឹក ដូច្នេះយើងយកកន្សែងពោះគោ ដើម្បីទៅជូតខ្លួន។ អញ្ចឹងក្មេងប្រុសម្នាក់នេះ គាត់អាច គាត់បានយកកន្សែងទៅជូតខ្លួនរបស់គាត់នៅក្នុងបន្ទប់ទឹកផងដែរ។ យើងឃើញ បើយើងមើលទៅលើជើងរបស់ក្មេងប្រុសនោះ គឺគាត់មានពាក់ស្បែកជើងផ្ទាត់ អញ្ចឹងបានន័យថានៅក្នុងបន្ទប់របស់គាត់ គឺមានស្បែកជើងផ្ទាត់សម្រាប់ពាក់នៅក្នុងបន្ទប់ ហើយមានស្បែកជើងផ្ទាត់សម្រាប់ពាក់ចូលក្នុងបន្ទប់ទឹក។ ព្រោះគេធ្វើបែបនេះ បានន័យថា នៅទីក្រុង ជាទូទៅ គឺបន្ទប់ទឹកគឺ យើងធ្វើអំពីឥដ្ឋ ហើយនិងមានបិទឥដ្ឋការ៉ូជាមួយផងដែរ។ ដែលឥដ្ឋការ៉ូ គឺនៅពេលដែលត្រូវទឹក គឺ គឺរអិល។ អញ្ចឹងគាត់ត្រូវពាក់ស្បែកជើងផ្ទាត់ ដើម្បីកុំឲ្យរអិល។ ហើយនៅក្នុងបន្ទប់ទឹករបស់គាត់ យើងឃើញថា មានក្រណាត់ជូតជើងផងដែរ អញ្ចឹងគាត់មានក្រណាត់ជូតជើងមួយទៀត ដើម្បីជូតឲ្យស្ងួត មុននឹងដើរលើឥដ្ឋការ៉ូ នៅពេលដែលយើងងូតទឹករួច។ យើងឃើញថា បន្ទប់ទឹករបស់គាត់ ត្រូវបានខណ្ឌចែកចេញជាពីរកន្លែង ដែលមួយ គឺខាងបង្គន់ មួយទៀតកន្លែងងូតទឹក ដោយកន្លែងទាំងពីរនោះ គឺខណ្ឌដោយវាំងននមួយ។ អញ្ចឹងនៅក្នុងរូបភាពនេះ យើងឃើញមានវាំងននមួយ ដែលនៅក្នុងបន្ទប់ដែលមានវាំងនននោះ គឺយើងមានឃើញក្បាលទឹកផ្កាឈូក។ អញ្ចឹងក្បាលទឹកផ្កាឈូក គឺជាក្បាលទឹក ដែលសម្រាប់យើងងូតទឹក។ បាទ នៅទីក្រុងគឺយើងប្រើប្រាស់ទឹកផ្កាឈូកដើម្បីងូតទឹក [...] ទឹកផ្កាឈូកគឺតភ្ជាប់ទៅនឹងក្បាលរ៉ូប៊ីនេទឹក ដែលបើកទឹកម៉ាស៊ីនចេញមក។ អញ្ចឹងទឹកម៉ាស៊ីនចេញមកឆ្លងកាត់ក្បាលទឹកផ្កាឈូក យើងអាចងូតបាន ក៏ប៉ុន្តែនៅក្នុងជនបទ គឺគេប្រើប្រាស់ទឹកពាងដើម្បីងូតតែប៉ុណ្ណោះ ព្រោះពុំមានទឹកផ្កាឈូកឬទឹកម៉ាស៊ីននោះទេ។