Khmer	Pronunciation	English/Notes	#occ
ហត់នឿយ	hat nɨəy	to be very tired, hard working, suffering	1/1

Link to overview page
Link to dictionary

Noodle Soup (Sakanan) — 03

បន្ទាប់មកទៀតរូបភាពទី ៣ នៅក្នុងរូបភាពទី ៣ បន្ទាប់ពីពួកគេបបួលគ្នាហើយ មិត្តភក្តិរបស់គេក៏យល់ព្រម ដោយសារតែមិត្តភក្តិរបស់គេក៏កំពុងតែឃ្លានដូចគ្នា។ អញ្ចឹងបន្ទាប់ពីការងារ ឬក៏ការធ្វើការហត់នឿយ ឬក៏បន្ទាប់ពីការសិក្សា អញ្ចឹងយើងតែងតែឃ្លាន ដោយសារតែយើងអស់កម្លាំង អញ្ចឹងនៅពេលដែលយើងអស់កម្លាំង គឺយើងតែងតែឃ្លាន ដូច្នេះនៅពេលដែលយើងឃ្លាន យើងតែងតែរកអាហារសម្រន់ ដើម្បីញ៉ាំមុនពេលអាហារពេលល្ងាចមកដល់។ អញ្ចឹងជាក់ស្ដែងដូចជានៅក្នុងរូបភាពទី ៣ នេះ គឺក្មេងប្រុសទាំងពីរអ្នកក៏បានបបួលគ្នា ហើយយល់ព្រមទៅញ៉ាំគុយទាវទឹកស៊ុប ឬក៏មីទឹកស៊ុបទាំងអស់គ្នា ដោយយើងឃើញក្មេងប្រុសទី ១ គាត់ដើរខាងមុខ។ ដែលក្មេងប្រុសទី ១ ហ្នឹង គាត់ស្លៀកពាក់អាវពណ៌សដៃខ្លី ហើយគាត់ស្លៀកខោជើងវែងពណ៌ខ្មៅ ចំណែកឯក្មេងប្រុសទី ២ គឺគាត់ពាក់អាវដៃវែង ពាក់អាវដៃខ្លីពណ៌ស ហើយស្លៀកខោជើងវែងពណ៌សដែរ។ អញ្ចឹងក្មេងប្រុសទី ១ គឺមានសក់រាប ដោយឡែកក្មេងប្រុសទី ២ គឺមានសក់បះ។ អញ្ចឹងពួកគេដើរទៅរកកន្លែងដែលលក់មីទឹកស៊ុប ឬក៏ហាងលក់មីទឹកស៊ុបទាំងអស់គ្នា។ ដោយក្មេងប្រុសទី ១ អ្នកដើរខាងមុខ រីឯក្មេងប្រុសទី ២ ជាអ្នកដើរខាងក្រោយ ហើយក្មេងប្រុសទី ១ គាត់ដើរបណ្ដើរ ងាកក្រោយបណ្ដើរ ដើម្បីនិយាយជាមួយនឹងក្មេងប្រុសទី ២ ដែលជាមិត្តភក្តិរបស់គាត់។ អញ្ចឹងពួកគេទាំងពីរអ្នកកំពុងតែដើរ ហើយក្មេងប្រុសទី ១ ហ្នឹង គាត់ងាកមកប្រាប់ក្មេងប្រុសទី ២ ថា គេស្គាល់កន្លែងញ៉ាំទឹកស៊ុបមួយកន្លែង។ ដោយយើងឃើញនៅក្នុងរូបភាពនេះ គឺក្មេងប្រុសទី ១ គាត់បានដើរបណ្ដើរ ងាកក្រោយបណ្ដើរ និងងាកដៃស្ដាំរបស់គាត់គឺចង្អុលទៅមុខ។ អញ្ចឹងគាត់ចង់បញ្ជាក់ប្រាប់មិត្តភក្តិរបស់គាត់ថា ហាងលក់គុយទាវ ឬក៏ហាងលក់មីទឹកស៊ុបហ្នឹង គឺនៅខាងមុខ មិនឆ្ងាយនោះទេ ដោយដើរតែបន្តិចទៅដល់ហើយ។ អញ្ចឹងពួកគេទាំងពីរអ្នក ដើរបណ្ដើរ និយាយគ្នាបណ្ដើរ ដោយនិយាយគ្នាពីហាងទឹកស៊ុបបណ្ដើរ ឬក៏និយាយគ្នាអំពីការលេងកីឡា ឬក៏និយាយគ្នាអំពីការសិក្សាជាដើម។ អញ្ចឹងប្រសិនបើយើងទៅញ៉ាំអាហារមានគ្នាច្រើន គឺតែងតែសប្បាយរីករាយ ដោយសារតែយើងអាចជជែកគ្នាលេងបាន។