Khmer	Pronunciation	English/Notes	#occ
ឡែក	laek	1. to be separate, apart, isolated 2. to be special, specific 3. separate section/piece/place	2/1

Link to overview page
Link to dictionary

Laundry (Sakanan) — 04

បន្ទាប់មកទៀតចូលមកដល់រូបភាពទី ៤ នៅក្នុងរូបភាពទី ៤ យើងឃើញបុរសម្នាក់នោះ គាត់កំពុងតែរំលែកខោអាវចេញជាពីរ បាទ គាត់កំពុងតែរំលែកខោអាវ ដោយគាត់បែងចែកខោអាវនោះ ដោយគាត់យកអាវសដាក់មួយឡែក និងអាវពណ៌ដាក់មួយឡែក អញ្ចឹងយើងឃើញនៅក្នុងរូបភាពនេះ គាត់កំពុងតែដាក់កន្ត្រកខោអាវនៅលើតុមួយ ដែលមានកម្ពស់ត្រឹមចង្កេះរបស់គាត់ បន្ទាប់មកគាត់យកដៃរបស់គាត់ចាប់រំលែកខោអាវ ដោយគាត់រើសយកពណ៌សដាក់ម្ខាងនិងខោអាវពណ៌ដាក់ម្ខាង អញ្ចឹងយើងឃើញរូបនេះ គឺគាត់យកខោអាវសដាក់ទៅខាងឆ្វេងដៃរបស់គាត់ ចំណែកឯខាងខោអាវពណ៌ គឺនៅខាងស្ដាំដៃរបស់គាត់ គាត់ធ្វើបែបនេះគឺដើម្បីកុំឲ្យមានការច្រឡូកច្រឡំគ្នារវាងអាវសនិងអាវពណ៌ ព្រោះថាប្រសិនបើយើងបោកខោអាវអាវពណ៌ជាមួយនឹងអាវសច្របូកច្របល់គ្នា វាអាចនឹងប្រឡាក់អាវស ព្រោះពេលខ្លះអាវពណ៌វាអាចនឹងចេញពណ៌ ដូចជាយើងពាក់ខោអាវពណ៌ខៀវ ពេល[ដែល]យើងបោក គឺវាអាចចេញពណ៌ដែលគេជ្រលក់ នៅពេលដែលជ្រលក់ថ្នាំអត់ល្អ គឺវាចេញពណ៌នៅពេលដែលយើងបោក អញ្ចឹងប្រសិនបើយើងបោកជាមួយអាវស ពណ៌នោះអាចនឹងចេញមកប្រឡាក់អាវសជាក់ជាមិនខាន ដូច្នេះហើយបុរសម្នាក់នោះ គាត់ក៏បានរំលែកខោអាវចេញជាពីរចំណែក ដោយយកអាវសបោកផ្សេង និងខោអាវពណ៌បោកផ្សេង។